Pronarët, gjatë 2017 u kompensuan 754 subjekte. Buxheti i 2018 dhe të ardhurat nga ALUIZNI, ja sa do jetë fondi i kompensimit për 2018
Ministrja e Drejtësisë, Etilda Gjonaj, gjatë raportimit në Komisionin e Ekonomisë ka folur për kompensimin e pronarëve, ku sipas saj janë përdorur mbi 3 mld lekë, ndërkohë që ATP ka kompensuar gjatë 2017, 754 subjekte, ku 175 janë kompensuar nga buxheti i shtetit dhe pjesa tjetër nga të ardhurat e ALUIZNI-t.
Sipas ministres Gjonaj për vitin 2018 janë në dispozicion 2.5 mld lekë, duke i shtuar shifrës edhe të ardhurat nga ALUZNI, ku sipas saj janë rreth 700 mln lekë më tepër për kompensimin e pronarëve.
“ATP ka kompensuar gjatë 2017, 754 subjektet, ku 175 janë kompensuar nga buxheti i shtetit, pjesa tjetër nga të ardhurat e ALUIZNI-t. Për vitin 2018 janë 2.5 mld lekë, plus të ardhurave që shtohen nga ALUIZNI, pra kemi 700 mln lekë me tepër se vitit i kaluar për kompensimin e pronave”, tha Gjonaj.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.