Pronarët në dyert e gjykatave – “Vërshim” padish në të gjitha shkallët e gjyqësorit, rreth 1.500

Dy vitet e fundit kanë shënuar një rritje të numrit të pronarëve që i drejtohen gjykatave në pamundësi për të gjetur zgjidhje për pronat e tyre. Sipas të dhënave zyrtare të Agjencisë së Trajtimit të Pronave, në fillim të këtij viti, 856 padi kundër saj rezultonin të depozituara në gjykatat administrative si dhe në apelet administrative.  Këtyre u shtohen 86 ankime në Gjykatat e Apelit të Tiranës dhe në rrethe, bashkë me 86 vendime me shpallje mos-kompetence lëndore.  22 çështje janë pushuar dhe 10 çështje të tjera rezultojnë me kthim aktesh.

Volumi i madh i padive ka vijuar edhe gjatë muajve të deritanishëm. Rreth 300 padi kanë përfunduar në Gjykatën e Lartë, ndërkohë që disa dhjetëra janë paraqitur nëpër gjykatat Administrative.

Numri shume i lartë i padive dhe numri shumë i ulët i zbatimit të vendimeve për kthim-kompensim nga ana e Agjencisë së Trajtimit të Pronave ka shqetësuar veçanërisht faktorin ndërkombëtar. Në një takim me drejtuesit e institucioneve të pronave, të zhvilluar në Qershor të këtij viti, Ambasadorja e Bashkimit Evropian Romana Vlahutin kërkoi nga Euralius adresimin e problemeve ligjore që mbajnë peng çështjen e pronave në vend dhe zgjidhjen e tyre.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.