Pronat, sistem i ri dixhital – Lame: Veprimet në kohë reale nga noterët. Shmangim korrupsionin, “shushunjat”, sekserët
Marrëveshja e nënshkruar mes Kadastrës dhe Dhomës Kombëtare të Noterëve do të bëjë të mundur kryerjen e veprimeve që kanë të bëjnë me pronat nga zyrat noteriale duke shmangur ecejaket e qytetarëve apo bizneseve nëpër sportele.
Gjatë ceremonisë së nënshkrimit të marrëveshjes, Kreu i Kadastrës Artan Lame bëri me dije se procesi është bërë i mundur falë një sistemi dixhital i huazuar nga Gjermania, dhe se do sigurojë shpejtësi, saktësi, e pastërti ne shërbime, duke nxjerrë nga skena ushtrinë e shushunjave e sekserëve, por edhe të atyre noterëve që nuk e meritojnë ta ushtrojnë këtë profesion.
Kreu i Dhomës Kombëtare të Noterëve Mimoza Sadushaj tha se sistemi i ri do bëjë të mundur marrjen e shërbimeve në kohë reale por veçanërisht do shmangë korrupsionin.
Sipas Kreut të kadastrës, në fund të janarit pritet miratimi në Kuvend i ligjit për përfundimin e proceseve tranzitore të pronës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.