Propozimet e PD, jo në këmbim të Vetting-ut – Balla: Nuk do ketë asnjë negociatë, zgjatja e afateve të KPK kërkesë nga ndërkombëtarët
Vetëm pak pasi Partia Demokratike bëri publike paketën me propozime për ndryshimet Kushtetueses sa i përket Vetting-ut të politikanëve, reformës zgjedhore dhe asaj territorial, mazhoaranca ka shprehur qëndrimin e saj të prere se ato nuk do vihen në tavolinën e negociatave në këmbim të zgjatjes së afateve të organeve të Vettingut.
Në një deklaratë për mediat, Kreu I Grupit Parlamentar Socialist Taulant Balla tha se as nuk ka ndërmend të negociojë me PD-në për të arritur një marrëveshje për votat për ndryshimet kushtetuese për zgjatjen e afateve të shkallës së parë të vettingut, pasi bëhet fjalë për një çështje teknike, e propozuar nga ndërkombëtarët, e cila nuk mund të lidhet me propozimet e tjera të PD.
Zgjatja e afateve të shkallës së parë të Vetting-ut është propozuar nga mazhoranca duke qenë se në mandatin e parë 5 vjeccar u arrit të kalohej në sitë vetëm gjysma e gjyqtarëve dhe prokurorëve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.