”Prosecco” italiane, tashmë pjesë e Trashëgimisë Botërore të UNESCO
Kodrat ‘Prosecco’ të Italisë, marrin statusin e trashëgimisë botërore të OKB-së.Një zonë e terrenit kodrinor, në Italinë verilindore të njohur për prodhimin e Prosecco-s, është shtuar në listën e Trashëgimisë Botërore të UNESCO-s. Kodrat e ‘Prosecco’ janë marrë në mbrojtje nga agjencia kulturore e OKB-së, duke shënuar kështu vendin e 55-të, të Trashëgimisë Botërore të Italisë. Në një deklaratë, UNESCO theksoi se sa shekuj i është dashur këtij terreni kodrinor, për të arritur “peizazhin e tij të veçantë”, i rrethuar nga hardhitë paralele.
“Peizazhi karakterizohet nga kodra, parcela të vogla të hardhive në tarraca të ngushta, me bar, pyje, fshatra të vegjël dhe toka bujqësore. Për shekuj me radhë, ky terren i thyer ka qenë formuar dhe përshtatur nga dora e njeriut”.– thekson UNESCO.
Luca Zaia, president i rajonit të Veneto, tha se është dashur plot një dekadë, që të ishin pjesë e fushatës për t’u përfshirë në listën e Trashëgimisë Botërore të UNESCO-s, dhe se kjo arritje mund t’u kushtohet fermerëve vendas, të cilët e bënë territorin jashtëzakonisht të madh me përpjekjet e tyre.
Prosecco, është një nga pijet karakteristike të Italisë, shitjet e të cilës, në vitin 2018 u rritën me 6%, dhe më shumë se ¾ janë eksportuar.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.