Protesta e opozitës – Ambasada Amerikane apel opozitës e forcave të sigurisë: Tregohuni të përmbajtur!

Ambasada Amerikane u ka bërë thirrje opozitës dhe forcave të sigurisë që të tregohen të përmbajtur gjatë protestës që do të zhvillohet ditën e sotme. Kjo e fundit u njoftua nga kreu i Partisë Demokratike ditën e shtunë, në mbyllje të protestës së zhvilluar para kryeministrisë.

Përmes një njoftimi zyrtar, Ambasada po ashtu u ka bërë thirrje pjesëmarrësve që të ushtrojnë në mënyrë paqësore të drejtën për të protestuar.

“Shtetet e Bashkuara nxisin të gjithë pjesëmarrësit në protestën e sotme që të ushtrojnë paqësisht të drejtën e tyre për t’u mbledhur dhe të refuzojnë dhunën, si dhe iu bëjnë thirrje qeverisë dhe forcave të sigurisë që të tregohen të përmbajtur.”

Ndërkohë, të mërkurën të gjithë deputetët e opozitës kanë firmosur djegien e mandateve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.