Protesta masive kundër masave kufizuese/ SHBA shënon një tjetër shifër rekord të viktimave nga COVID-19
Shtetet e Bashkuara regjistruan edhe 1.997 vdekje të lidhura me koronavirusin brenda 24 orësh, duke kapur shifrën totale prej gjithsej 40.661, ndërkohë që mbi 69 mijë persona deri tani po shërohen. Trump flet për “përparim të vazhdueshëm në luftë” ndaj sëmundjes. Sot presidenti do të lidhet me guvernatorët ndërsa protestat vazhdojnë kundër bllokimeve në disa shtete përfshirë Uashingtonin.
Trump ka njoftuar se është duke u përgatitur të përdorë Aktin e Prodhimit të Mbrojtjes, një ligj lufte që daton nga vitet 1950, për të rritur prodhimin mjekësor të tamponëve për testet e koronavirusit.
Prej disa ditësh, CNN ka filluar të mos transmetojë pjesën e parë të konferencës së gjatë të drejtpërdrejtë të përditshme të Donald Trump për urgjencën e koronavirusit, atë në të cilën ai flet pa kundërshti, duke ilustruar të dhëna dhe tendencat në lidhje me krizën. Një konferencë që shumë media e kritikojnë si propagandë politike. CNN e tkhen në qendër të vëmendjes vetëm kur fillon debati pyetje/përgjigje me reporterët, të cilët janë në gjendje të kundërshtojnë dhe të sfidojnë manjatin.
Dje ndodhën protesta të reja kundër bllokimit të disa qeveritarëve amerikanë, pas paradave të së shtunës në Austin, Annapolis dhe Indianapolis. Demonstrata më e madhe ishte në Olympia, kryeqytetin e shtetit të Uashingtonit, ku 2.500 vetë dolën në rrugë me flamuj dhe pankarta amerikane duke kërkuar rihapjen. Shumica e pjesëmarrësve ishin të pa maskuar dhe nuk respektonin distancimin shoqëror. Gjithashtu disa qindra njerëz u mblodhën edhe në Denver, Kolorado dhe Nashville, Tenesi. Këto janë protesta nga pakicat e vogla.(ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.