Protesta për projektin e Unazës së Madhe, Basha: Do të jemi në krahun e qytetarëve që po bëjnë qendresë!
Kreu i Partisë Demokratike Lulzim Basha deklaron se forca e tij politike do t’i bashkëngjitet protestës së banorëve të zonës që njihet si “Astiri” në kryeqytet që kundërshtojnë prishjen e banesave të tyre nga projekti i Unazës së Madhe të Tiranës.
Banorët prej thuajse një muaji kërkojnë që të dëmshpërblehen 100 % ndërsa autoritetet qendrore dhe vendore kanë deklaruar se në kushtet kur banesat janë të palegalizuara e të palegalizueshme, ajo që do t’u ofrohet është bonus qiraje për disa vite dhe procedura të thjeshtuara për strehim social.
“Po dëmtohen interesat e qytetarëve. Po mbushen pothuajse 4 javë dhe do të jemi në krah të qytetarëve. Ata janë të braktisur nga qeveria e të mashtruar për premtimet për legalizim falas. Do të jemi këtu në krahun e tyre, në këtë qëndresë të drejtë për të mbrojtur strehën e fëmijëve të tyre” tha Basha ndërsa banorët vijonë protestën e tyre.
SCAN
LIVE – Në mbështetje të banorëve që protestojnë për të mbrojtur shtëpitë e tyre nga projekti korruptiv i qeverisë.
Posted by Lulzim Basha on Friday, November 30, 2018
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.