Protestat e studentëve/Çfarë parashikojnë 2 amendamentet e LSI në Kuvend! Nga 14.5 mld lekë për arsimin te krijimi i fondit të emergjencës

Lëvizja Socialiste për Integrim ka deklaruar depozitimin në Kuvend të dy amendamenteve që sipas kësaj force, u japin zgjidhje kërkesave të studentëve.  Kryetarja e LSI-së Monika Kryemadhi tha për mediat se janë propozuar amendamente për buxhetin e sapomiratuar të vitit 2019 ku të përcaktohet dyfishimi i fondeve për arsimin.

Amendamentet parashikojnë që totali i shpenzimeve buxhetore për arsimin të bëhet 14.9 miliardë lekë ndërsa totali i shpenzimeve buxhetore për shkencën të bëhet 1.2 miliard lekë. Po ashtu, propozohet krijimi i Fondit të Emergjencës në Arsim me vlerë 5 miliard lekë nga Ministria e Financave dhe Ekonomisë i cili do të përdoret për përmirësimin e infrastrukturës të “Shoqërive të Trajtimit të studentëve në Tiranë dhe në Rrethe” dhe infrastrukturës universitare në përgjithësi.

Amendament tjetër është ai në ligjin për arsimin e lartë ku parashikohen kritere të reja në përzgjedhjen e anëtarëve të senatit e të bordeve të universiteteve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.