Pse është zgjeruar tregu i mishit të qenve në Kinë?
Çdo vit gjatë solcistit të verës një festival për ngrënien e mishit të qenit zhvillohet në Yulin, një qytet në krahinën jugore kineze të Guangxi. Veprimtaria e këtij viti përfundoi me polemikat e zakonshme.
Fotot e qenve të skuqur si dhe të trajtuar mizorisht u bënë virale, kjo bëri që aktivistët e të drejtave të kafshëve dhe kongresmenët amerikanë t’i kërkonin Kinës të ndalonte ngrënien e mishit të qenve dhe maceve.
Qeveria lokale e Yulin ndërmori hapa modestë për të ndaluar ose fshehur disa nga aktivitetet më kontestuese të tilla si shitja e qenve në tregjet ushqimore.
Megjithatë, festivali ishte i mbushur plot. Pse ky zakon kaq kontraversial i kuzhinës është bërë kaq popullor në Kinë?
Sipas Guo Peng të Shandong University, një nga pak njerëzit që kanë studiuar tregun e mishit të qenve, rezulton se vetëm pakica etnike koreane e Kinës ha rregullisht mish qeni. Shumica e popullsisë Han, e sheh atë si një ushqim mjekësor, i cili besohet të të ngrohë trupin në dimër ose t’ua freskojë atë në verë, argumenton ajo.
Sipas një sondazhi të kryer në vitin 2016 nga Dataway Horizon, një kompani votimi, dhe Shoqata e Mirëqenies së Kafshëve Kapitale, pothuajse 70% e popullsisë kineze thonë se kurrë nuk kanë ngrënë mish qeni.
Ndërkohë që edhe ata të cilët kanë konsumuar mish qeni, shumica pretendon se e bënë kështu rastësisht, kur u ftuan në një darkë sociale apo biznesi.
Por pse është i mbushur festivali Yulin? Pse restorantet e qyteteve të ndryshme vënë në menutë e tyre mish qeni me krenari. Përgjigja me një fjalë të vetme është “kriminaliteti”.
Mishi i qenit ashtu si edhe droga është një burim fitimprurës i te ardhurave kriminale. Gjatë dekadës së fundit znj. Guo ka shkuar nga fshati në fshat në provincën Shandong, duke u kërkuar përgjigje banorëve se çfarë po ndodh me kafshët e tyre.
Në një nga këto fshatra, përgjigja që mori ishte se një e treta e qenve të tyre ishin vjedhur në mes të vitit 2007 dhe 2011.
Ajo zbuloi se gjahtarët i vrasin qentë me shigjeta të helmuara dhe i shesin këto kafshë te ndërmjetësuesit. Ata marrin rreth 10 juanë për kilogram dhe një qen shkon mesatarisht 70-80 juanë.
Gjuetia e mishit të qenit ka rritur ofertën dhe ulur çmimet, duke rritur kështu madhësinë e tregut të përgjithshëm.
Në një mënyrë, tregtia e mishit të qenve shfrytëzon faktin se modernizimi në këto provinca është në nivele të ulëta. Nëpër fshatra qentë janë ende kujdestarë. Në qytetet e mëdha numri i tyre është rritur gjithnjë e më shumë si kafshë shtëpiake.
Në Pekin për shembull është rritur 25 për qind në vit për një dekadë të tërë. Por bashkë me numrin e kafshëve është rritur dhe shqetësimi për mirëqenien e tyre dhe kjo tregohet qartë në rritjen e numrit të spitaleve të kafshëve, agjencive të shpëtimit të kafshëve, adoptimet si dhe ndryshimin në qëndrimin e njerëzve për këtë çështje.
Por me rritjen e shqetësimit për mirëqenien e kafshëve po shtohet edhe konflikti me gjuetarët e qenve si dhe ngrënësit e tyre. Kështu që në përfundim me siguroi që ata do të dalin jashtë tregu.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.