Pse gjendja financiare ndikon në martesën tuaj? – Arsye bindëse pse nuk duhet të martoheni kur jeni të pastabilizuar financiarisht
Një martesë e fortë dhe solide ka përfitime të panumërta por ata të cilët janë pa nje stabilitet financiar ose ata që nuk e përballojnë dot, qoftë edhe rritjen më të vogël të shpenzimeve monetare duhet të marrin parasysh korrelacionet ndonjëherë negative ndërmjet martesës dhe parave.
Duke qenë se dashuria nuk ka logjikë, është e vështirë që një pjesë e mirë e njerëzve të masë potencialin për pasojat financiare në vendimet e tyre romantike.
Por më poshtë do të gjeni disa arsye kryesore financiare pse ndoshta nuk është mirë të martoheni pa patur një bazë monetare.
- Dasma në vetvete ju “shkund” xhepat
Falë përpjekjeve të panumërta të industrive të dasmës për të inkurajuar nuset të shpenzojnë më shumë para në dasmën e tyre. Tashmë dasmat në vetvete, dekorimi, fustanet, unaza etj kanë arritur shifra shumë të larta. Sipas një studimi e gjithë kjo ka arritur në fazën pse njerëzit heqin dorë nga martesa.
- Martesa ju krijon stres financiar
Paraja shpesh është zanafilla e problemeve në një marrëdhënie. Dhe problemet që lindin nga nuk janë si ato që keni me veten tuaj kur nuk keni para por jeni single. Këto ndodhin të gjitha kur jeni të martuar si pasojë se ju prisni njëfarë mbështetje nga personi që keni në krah dhe kur shikoni se ju ja dilnit më mirë vetëm problemet fillojnë nga të gjitha anët.
- Kosto më të larta jetese
Ka disa gjëra pozitive në të gjithë filozofinë “çfarë është e imja është edhe e jotja” në martesë. Por këto përfitime zhduken sapo kuptoni se mund të jeni financiarisht përgjegjës nëse partneri juaj falimenton, harron të paguajë faturat apo vdes përpara se të paguajë borxhet që ka marrë. Kur bëhet fjalë për paratë dhe martesat, duke patur nën kontroll financat ju mund të eliminoni shumë elemente stresuese me të cilët përballen çiftet e martuar.
- Është më e lehtë të fokusoheni në karrierë kur jeni single
Është e vërtetuar që qëndrimi vetëm ju jep pak më shumë liri veprimi për t’u përqendruar në jetën tuaj profesionale. Kur bëhesh dy është pak më e vështirë për të qëndruar më orar më të zgjatur në punë apo vajtja në punë edhe ditën e pushimit si pasojë e punëve të shumta. Për të mos përmendur pjesën kur nuk jeni më dy dhe bëheni tre, aty ku përgjegjësitë shtohen, koha pakësohet dhe karriera lihet gjithmonë për në fund. Nëse jeni të prirur drejt karrierës dhe dëshironi një të tillë, martohuni sa më vonë të keni mundësi.
- Kujdesi shëndetësor bëhet më i vështirë
Nëse më përpara duhet të mendonit vetëm për shëndetin tuaj, tashmë ju duhet të kujdeseni për dy paketa shëndeti. Edhe pse partneri juaj mund të mos ketë qenë I rregullt në vizitat me mjekun e tij për shkak të gjendjes financiare ju trashmë do t’ju duhet të merrni parasysh gjithçka edhe për këtë pasi kjo ka ndikim të drejtpërdrejt mbi ju. Nëse mendonit se paketat e shëndetit ishin mjaft të kushtueshme kur ishit vetëm kur bëheni dy shpenzimet drejt kujdesit shëndetësor dyfishohen.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.