Pse gjykatat “zhbëjnë” tatimet? – Topuzi: ”Udhëzimi është nul, s’ka kupon për çdo furnizim!”
Ndërsa gjykatat çdo ditë po vendosin për rihapjen e subjekteve të mbyllura për shkak të konstatimeve me shkelje gjatë aksionit anti-informalitet, dhe për këtë atakohen nga qeveria, duket se vendimet e tyre nuk janë ta pabazuara në ligj.
Kreu i sektorit hotelier, në Shoqatën Shqiptare të Turizmit, Zak Topuzi, sqaron se vendimi i Kolegjit Administrativ të Gjykatës së Lartë ka bërë nul udhëzimin nr.24 për procedurat tatimore, sa i takon prerjes së kuponit tatimor për çdo furnizim në bare dhe restorante apo kuponit për çdo natë fjetjeje në hotel.
Sipas Topuzit, për çdo tavolinë duhet të ketë një kupon final, pasi mënyrat e pagesave që zgjedh klienti janë të ndryshme.
Gjatë aksionit anti-informalitet të nisur në muajin Korrik, tatimet kanë vendosur të mbyllin një sërë subjektesh në sektorin e shërbimeve, të cilat kanë rinisur aktivitetin pas vendimeve të gjykatave.
Elisabeta Dosku/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.