Pse Italia, dhe jo Spanja, është rreziku real që investitorët duhet të shqetësohen
Rritja e politikës populiste në Itali është ende në qendër të vëmendjes për investitorët në Evropë, pavarësisht tensioneve të fundit në Spanjë me Katalonjën.
“Italia nuk po gjeneron rritje të qëndrueshme dhe ende ka çështjen e kredive të këqija”, tha një zyrtar i Brukselit, i cili preferoi të mbetet anonim për shkak të pjesëmarrjes së tij në takimet kryesore ekonomike të BE-së. Sipas tij, eurozona po rritet, madje edhe Greqia po rritet njëkohësisht.
Në përgjithësi, rajoni ka parë përmirësim që nga ditët e krizës së borxhit sovran të vitit 2011. Rritja është kthyer në vendet e bllo0kut, papunësia ka rënë dhe aktiviteti i biznesit është zgjeruar. Por Italia shihet nga shumë ekonomistë evropianë si rreziku më i madh për eurozonën për momentin. Ekonomia do të rritet me më pak se 1 për qind këtë vit dhe pak më lart se pragu në 2018, sipas parashikimeve të fundit nga Komisioni Evropian.
Votuesit italianë do të zgjedhin një qeveri të re në fillim të vitit të ardhshëm, edhe pse nuk ka një datë të caktuar. Kreu i partisë populiste Five Star, Luigji Di Maio ka thënë se dëshiron të ri negocioje traktatet brenda BE-së që po kufizojnë rritjen e Italisë. Ky qëndrim është parë si një rrezik për përputhjen e Italisë me rregullat fiskale evropiane.
Këto rregulla kufizojnë aftësinë e vendeve të eurozonës për të shpenzuar, pasi ata duhet të respektojnë një prag prej 3 për qind për deficitin e tyre ndaj PBB-së (produkti i brendshëm bruto).
Deficiti i Italisë do të arrijë në 2.2 për qind të PBB-së së tij këtë vit, në përputhje me rregullat evropiane. Por borxhi i qeverisë tashmë është mbi kufirin e BE-së .
Sipas parashikimeve të Komisionit Evropian, një qeveri populiste mund të rrezikonte më tej financat italiane.
Genta Dobra/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.