Pse Kina nuk mund të krijojë Goldman Sachs-in e saj?
Një pyetje e vjetër është rishfaqur sërish: Pse Kina nuk mund të krijojë një bankë investuese konkurruese globalisht si Goldman Sachs Group Inc. apo Morgan Stanley?
Nuk është se Kina nuk e ka provuar. Kina International Capital Corp, një ndërmarrje e formuar në vitin 1995 me Morgan Stanley me bazë në Nju Jork, u shkrumbua mes mosmarrëveshjeve midis partnerëve vendas dhe të SHBA-së dhe u rrëzua pa u bërë ndonjëherë një peshë e rëndë globale. Të tjera iniciativa të ngjashme kanë pësuar dështime të ngjashme.
Arsyet e dështimeve mund të shihet tek përplasja e kulturave midis praktikave demokratike, të gjëra dhe te hapura të Wall Street dhe qasjes më të pastër, hierarkike të shtetit kinez me institucione financiare të kontrolluara. Bankat e investimeve të SHBA janë shumë konkurruese dhe individualiste, me shumë pushtet dhe shumë të pasura. Ata gjithashtu menaxhojnë yje botërorë. Kjo është një metodë të punuari që nuk i shkon përshtat modelit të Kinës.
Në grup, bankat e investimeve kineze dhe firmave me letra me vlerë kanë dështuar të kenë shumë ndikim në tregjet ndërkombëtare. Të ardhurat e kombinuara jashtë shtetit të 11 brokerëve më të mëdhenj të vendit ishin vetëm 3,5 miliardë dollarë vitin e kaluar, sipas analistit të Bloomberg Sharnie Wong. Kjo është afërsisht njëlloj me të ardhurat aziatike të BNP Paribas SA, e cila nuk renditet ndër bankat më të mëdha të investimeve globale.
Brokerat kinez janë relativisht jo të sofistikuar krahas rivalëve të tyre në Wall Street, duke u fokusuar kryesisht në tregtinë e aksioneve, një biznes nga i cili Deutsche Bank AG dha dorëheqjen këtë javë . Firmat kontinentale kanë më pak prezencë në tregtinë e obligacioneve dhe produkteve të strukturuara, të cilat mbeten të shtyrë nga njerëzit dhe janë bukë dhe djathë për bankat ndërkombëtare.
Mund të thuhet se Kina nuk ka nevojë për një bankë investimi të klasit botëror, duke pasur parasysh dominimin e firmave vendore në tregun e saj gjithnjë e më të rëndësishëm. Përfshirja e aksioneve të vendit në Indeksin MSCI Emerging Markets dhe lidhjet e saj në indeksin e Bloomberg Barclays ka shtyrë miliarda dollarë të parave të huaja në tregjet kineze të kapitalit. Firmat kineze gjithashtu kanë bërë përparim në nënshkrimin e IPO-s në Hong Kong, duke mundur rivalët e Wall Street.
Përveç kësaj, të ardhurat prej investimeve globale janë ulur që nga kriza financiare, për shkak të normave të ulëta të interesit dhe trendit drejt tregtimit të automatizuar.
Megjithatë, nëse Kina është serioze për modernizimin e tregjeve të saj të kapitalit, ajo ka nevojë për ekspertizën e zhvilluar nga bankat kryesore të investimeve ndërkombëtare për të ofruar mundësi më të mira për mbledhjen e fondeve për kompanitë e saj. Pekini mund të pendohet dhe të lejojë bankat e huaja të kontrollojnë sipërmarrjet e tyre kineze, mes tyre UBS Group AG, Nomura Holdings Inc., JPMorgan Chase & Co., Morgan Stanley dhe Credit Suisse Group AG. Një ekonomi ngadalësuese nënkupton ndarjen efikase të kapitalit. Kjo është sot më e rëndësishme se kurrë.
Është e vështirë të shohësh një frimë të rangut Goldman Sachs Group Inc me origjinë kineze, pasi Kina për të zhvilluar këtë ide, duhet të ndalë përdorimin e firmave financiare si mjete të shtetit. Nëse Kina do të zhvillojë Goldman Sachs-in e saj, nuk ka gjasa që një kompani e tillë të vijë nga ekonomia shtetërore sklerotike. Në fund të fundit, pengesa më e madhe për ambiciet e Pekinit është Pekini vetë.
Burimi: Bloomberg
DOSTI BANUSHI – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.