Pse ndryshimi i klimës mund të japë efekte negative në industrinë e aviacionit e mund të rrisë çmimin e biletave?
Këtë verë, Amerika ka përjetuar valët më të nxehta në dekadat e fundit. Muajin e kaluar moti i nxehtë bllokoi dhjetëra aeroplanë. Nëse temperaturat globale vazhdojnë të kenë rritje të larta, incidentet kanë gjasa që të rriten.
Sipas Institutit të Menaxhimit të Logjistikës dhe Universitetit të Kolumbisë , ndryshimi i klimës mund të ketë një ndikim dramatik në industrinë e aviacionit në të gjithë botën.
Hulumtuesit parashikojnë se, nga mesi i shekullit, 30% e fluturimeve që nisen në pjesën më të “ashpër” të ditës, nuk do të jenë më në gjendje që të sigurojnë ngritje normale, për shkak të ajrit më të nxehtë dhe të dendur.
Nga 19 aeroporte ku ekspertët kanë bërë ekzaminimet, Dubai dhe LaGuardia në Neë York priten që të shohin efektet më të këqija. Linjave ajrore do t’u duhet që të shkurtojnë deri në 4% të udhëtarëve ose ngarkesave për të siguruar një udhëtim të sigurt në pjesët më të nxehta të ditës. Në këtë mënyrë pritet që çmimet e biletave të pësojnë rritje, raporton “The Economist”.
Ndaj, masat që duhen marrë për zbutjen e efekteve, sipas autorëve të këtij raporti, janë përmirësimi i performancës së motorëve dhe shtyrja e pistave në mënyrë që avionët të mund të fitojnë shpejtësi shtesë për të siguruar ngritje të sigurt.
Përgatiti Ylber Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.