Pse nënat duhet të shkojnë me pushime vetëm herë pas here?
Të qenit nënë është një punë me kohë të plotë, duke përfshirë punët e shtëpisë, pazaret, riorganizimin dhe shoqërimin e fëmijëve në të gjitha aktivitetet dhe angazhimet e tyre, si dhe edukimin e tyre, pra një nënë nuk ndalet kurrë. Kjo lloj dinamike familjare është pak më pak e dukshme sot, sepse zakonisht që të dy prindërit punojnë. Sidoqoftë, edhe kur nëna dhe babai duhet të shkojnë në punë, shumica e veprimtarive sidomos mbi kujdesin e fëmijëve ende i mbesin gruas.
Pavarësisht nëse janë nëna shtëpiake ose që punojnë, psikologët pajtohen me idenë që marrja e pushimeve herë pas here mund të jetë shumë e dobishme. Një pushim nga “profesioni më i bukur dhe më i vështirë në botë” është i mirë jo vetëm për gratë, por edhe për të gjithë familjen. Një ndërprerje nga rutina e zakonshme e veprimtarive të përditshme është regjeneruese, në mënyrë të tillë që pas kthimit gruaja të bëhet një nënë dhe grua më e mirë, e shplodhur, më e duruar dhe mirënjohëse për atë që ka.
Ndoshta jo të gjithë kanë kohën, aftësinë ose burimet për të kaluar një pushim të vërtetë, kështu që më poshtë do të gjeni disa këshilla për të lehtësuar stresin:
- Të shkoni me pushime është e mundur, thjesht planifikoni. Qëndrimi larg nga çmenduria e përditshme është e mundur, ose më mirë, e nevojshme.
- Çelësi është pikërisht që të planifikoni gjithçka pak përpara, të organizoni programin tuaj, të dakordësoni me partnerin tuaj dhe të kurseni para për një festë të vogël mirëqenieje.
- Punët e shtëpisë mund ti bëni një ditë po dhe një ditë jo, pasi nuk është fundi i botës nëse nuk lani enët ose nuk lani rrobat çdo ditë. Vendosja e ditëve kushtuar detyrave dhe atyre kushtuar pushimit është thelbësore për shëndetin mendor dhe fizik.
- Një mëngjes të lirë në javë do të ishte i domosdoshëm. Nëse për një nënë fundjavat janë vetëm një kujtim i shplodhjes, ju mund t’i jepni vetes një mëngjes të lirë në javë për tu marrë me vetën tuaj dhe [për të bërë shopping, për të vajtur tek estetistja, të ndiqni në kurs arti apo sporti, të lexoni, të shikoni një film etj.
- Të paktën një ditë të plotë në muaj plotësisht të lirë. Si nënë, ju kurrë nuk ndaleni midis punëve të shtëpisë, rritjes së fëmijëve dhe duke planifikuar gjithçka, kështu që është thelbësore të ndaloni një moment dhe të karikoheni, të relaksoheni dhe të mendoni për veten tuaj.
Si përfundim, çdo nënë dhe baba nuk duhet të lërë pas dore mirëqenien e tyre personale për një kohë të gjatë. Mos u trembni për të kërkuar hapësirën tuaj, mbase duke kërkuar ndihmë nga gjyshërit ose të afërmit e tjerë: në fund të fundit, ju e bëni atë për mirëqenien e fëmijëve tuaj! (vibee)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.