Pse pasuria fosile e dinozaurëve në Indi ka mbetur e fshehur?
Fosilet mund të zbulojnë sekretet e një të kaluare të lashtë që ne nuk do t’i dinim ndryshe, por pavarësisht nga gjetjet novatore që kanë informuar shkencën në vitet e fundit, thjesht nuk ka fonde të mjaftueshme ose studim sistematik të pasurisë së madhe fosile të Indisë, thonë paleontologët.
Dhe kjo për shkak se pjesë të mëdha të Indisë nuk janë eksploruar sistematikisht nga paleontologë profesionistë. Edhe pse ndërgjegjësimi vendit ka nisur, vitet e fundit, vjedhja dhe vandalizmi i vendeve të njohura të dinozaurëve në të gjithë vendin janë provuar të jenë një sfidë.
Megjithatë, nuk është një problem unik për Indinë pasi edhe në Amerikë, nëse gjeni një fosil në tokën tuaj, mund të bëni me të çfarë të doni. Nuk ka asnjë ligj që mbron fosilet e dinozaurëve – ato trajtohen si minerale. Dhe ka shumë sfida për këtë qasje. Ndryshe nga mineralet, megjithatë, vlera e një fosili dinozauri nuk është menjëherë e dukshme. Në Indi, sasi të mëdha të të dhënave paleontologjike humbasin nga minierat dhe aktivitetet e tjera të zhvillimit.
Për shumë paleontologë indianë, lufta është shpesh shumë më themelore – siç është mungesa e hapësirës për të vendosur kockat. Pa infrastrukturën e duhur muzeale, shumica e fosileve përfundojnë në korridoret me pluhur të ndërtesave të universitetit.
Financimi i çrregullt mund të pengojë gjithashtu projektet. Nëse ka dy projekte që kërkojnë financim – njëri për ujërat nëntokësore dhe tjetri për paleontologjinë, është mëse e sigurt dhe evidente se cili prej tyre ka më shumë kuptim në një vend në zhvillim.
Ekziston një korrelacion mjaft i mirë midis PBB-së së një vendi dhe zbulimeve fosile, dhe kjo është kryesisht për shkak se një fushë si paleontologjia kërkon shumë fonde, patronazhe dhe muze të klasit botëror me laboratorë të përgatitjes së fosileve dhe objekte magazinimi, të cilat vendet në zhvillim shpesh nuk i kanë.
Një çështje tjetër, më urgjente që pengon studimin e fosileve indiane është nevoja për një bashkëpunim më të madh rajonal midis shkencëtarëve. Paleontologjia indiane thjesht nuk mund të ekzistojë e izoluar sepse India është e pandashme nga Pakistani, Mianmari dhe Bangladeshi për sa i përket pasurisë së saj fosile. Të gjitha këto vende janë një njësi gjeologjike, por politika mund ta bëjë të vështirë për shkencëtarët udhëtimin dhe shkëmbimin e informacionit lirshëm në këto zona. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.