Pse vaksinat janë të pamjaftueshme? SHBA plan 3.2 miliardë dollarë për pilulat anti-Covid!
Një kokërr që gëlltitet që kur shfaqen simptomat e para të Covid duke bllokuar virusin që gjeneron Sars Cov-2. Njësoj si çdo ilaç tjetër. Qeveria amerikane ka zbuluar pak ditë më parë programin e saj që përfshin një investim 3.2 miliardë dollarë për të përshpejtuar zhvillimin dhe testimin e barnave antivirale që bllokojnë virusin.
Shumë shtete po ecin me ritme të mira në procesin e vaksinimit por ka disa shtete të tjera që nuk janë me të njëjtat ritme ashtu sikurse edhe regjistrimi i disa varianteve të reja të virusit, ka ngjallur frikën se pandemia mund të dalë jashtë kontrollit sërish. Antiviralët janë barna që frenojnë infeksionet virale ose japin mbrojtje për një periudhë të caktuar kohore.
Projekti amerikan është që të zgjerojë sa më shumë që të jetë e mundur disponueshmërinë e ilaçeve që merren përmes gojës duke ndërhyrë për të ndalur sëmundjen para se të çojë në shtrime në spital apo që të çojë njerëzit drej humbjes së jetës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.