Publikohet Indeksi i Integritetit të zgjedhjeve – Kume: Vlerësimi i moderuar, problem blerja e votës e përdorimi i administratës. KQZ notë pozitive
Instituti per zhvillimin e sistemit te zgjedhjeve i ka vlerësuar me 57.6 nga 100 pike te mundshme votimet e 25 prillit, me një përmirësim me 8.2 pikë përqindjeje në raport me ato të vitit 2017. Rezultatet e Indeksit të Integritetit të Zgjedhjeve për vitin 2021 u paraqitën nga Kreu i Kësaj organizate, Kristaq Kume. Ai i përkufizoi zgjedhjet e 25 prillit sit ë moderuara, ndërkohë që Shqipëria ende përballet me sfida sa I përket standardeve të demokracisë.
Kume renditi tre të metat kryesore që ulën vlerësimin e për zgjedhjet e sapopërfunduara. Ato lidhen me ndarjen administrative territoriale, ndalimi i koalicioneve parazgjedhore, pragu I ulët që penalizoi partitë e vogla e kandidatët e pavarur, por edhe blerjen e votës e përdorimin e administratës publike për qëllime elektorale.
Me nota pozitive vlerësohen në Indeks ka qenë ecuria e procesit ditën e votimit, numërimi I votive, si dhe performance e Komisionit Qendror të Zgjedhjeve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.