Publikohet studimi/ Sa është dëmi që koronavirusi i ka shkaktuar Italisë? Llogaritet 9-27 miliardë euro
Koronavirusi mund t’i shkaktojë Italisë një dëm që llogaritet që varion mes 9 deri në 27 miliardë euro. Agjencia e Lajmeve ANSA i referohet një studimi të realizuar ku analizohet impakti në rajonet italiane, me efekte të menjëhershme dhe ato afatgjata, sipas sektorëve. Lombardia dhe Veneto, rajonet më të prekura, përbëjnë 31 % të Prodhimit të Brendshëm Bruto të Italisë.
Qeveria italiane ka miratuar një dekret të posaçëm në ndihmë të ekonomisë në zonat e prekura nga koronavirusi.
Të prekurit në Itali nga koronavirusi janë 822 deri më tani. Numri I viktimave ka shkuar në 21 dhe I përkasin kryesisht moshës mbi 70 vjeçare. Ajo që evidentojnë autoritetet është se gjysma e personave të prekur nuk kanë simptoma të rënda dhe nuk kanë nevojë përshtrim në spital.
345 persona janë shtruar në spitale me simptoma dhe 64 janë në terapi intensive. Ditën e hënë do të rihapen zyrat postare në disa komuna për të paguar pensionet. Në zonat e rrethuara me të kuqe jeta do të vijojë normalisht.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.