Punëdhënësit po gjejnë mënyra të reja për të ulur kostot e kujdesit shëndetësor
Punëdhënësit janë duke u përfshirë më shumë në kujdesin shëndetësor të punëtorëve të tyre në mënyrë që të mbajnë nën kontroll shpenzimet.
Një numër në rritje i kompanive po kontaktojnë direkt me spitalet dhe ofruesit për t’u kujdesur për punonjësit e tyre, bazuar tek një sondazh vjetor i publikuar nga Grupi Kombëtar i Biznesit për Shëndetin, një organizatë e industrisë me fokus kompanitë e mëdha. Rreth 11% e kompanive thanë se do ta bëjnë këtë gjë në 2019, nga 3% e kompanive që ishte këtë vit.
General Motors (GM) dhe Henry Ford Health System në Detroit njoftuan për bërjen e një kontrate të tillë. Sistemi gjashtë-spitalor do të sigurojë akses në më shumë se 3,000 kujdestarë parësorë dhe mjekë specialistë , si dhe në spital, në dhomat e urgjencës dhe në shërbimet e farmacisë, nëpërmjet opsionit të ri të planit “ConnectedCare” të GM-së.
Pothuajse 24,000 punonjës me pagë në Michiganin juglindor dhe familjet e tyre do të jenë në gjendje të përfitojnë nga kjo politikë, e cila do të fillojë vitin e ardhshëm. Marrëveshja gjithashtu ofron ekzaminime falas , monitorim kronik të shëndetit dhe parandalalim të sëmundjeve të punonjësve të kompanive.
“Opsioni i GM, ConnectedCare vjen nga kërkesa jonë e vazhdueshme për të përmirësuar shëndetin e punonjësve, duke kërkuar gjithashtu të kompensojë rritjen e shpenzimeve të kujdesit shëndetësor për të dy palët, punonjësit dhe kompaninë “, tha Sheila Savageau, përfaqësuesja e kujdesit shëndetësor në GM.
Gjithashtu janë duke u bërë më popullore edhe kontratat e drejtpërdrejta midis kompanive dhe ofruesve për të trajtuar disa sëmundje të kushtueshme, të tilla si kanceri, sëmundjet kardiovaskulare, trajtimet e pjellorisë dhe nevojat ortopedike. Rreth 18% e kompanive thanë se po negociojnë këto marrëveshje për vitin 2019, nga 12% këtë vit, sipas sondazhit.
Punëdhënësit gjithashtu po ofrojnë më shumë mundësi të kujdesit virtual për punëtorët e tyre, duke thënë se kjo është iniciativa e tyre më e madhe që do të ndërmerret për kujdesin shëndetësor për 2019.
Telemjekësia është vetëm një komponent i kësaj përpjekjeje. Kujdesi virtual përfshin gjithashtu aplikacione që ofrojnë stërvitje dixhitale, menaxhim të gjendjes kronike dhe monitorim të largët. Disa kompani gjithashtu sigurojnë qasje në terapi fizike virtuale dhe kujdes psikologjik.
Këto ndryshime vijnë në një kohë kur shpenzimet e kujdesit shëndetësor vazhdojnë të rriten. Çmimi i përgjithshëm i projektit për sigurimin e përfitimeve mjekësore në vitin e ardhshëm do të rritet me 5% për të gjashtin vit radhazi në një mesatare prej 14,800 dollarësh.
Kompanitë mbulojnë afërsisht 70% të kësaj kostoje. Në fakt, për herë të parë në katër vjet, numri i firmave që ofrojnë plane shëndetësore të zbritshme, si zgjedhja e vetme është duke rënë në 30% për 2019, nga 39% këtë vit.
s.g/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.