Punësim i paligjshëm – Serbia dhe Sllovakia nënshkruajnë protokoll për mbrojtjen e qytetarëve

Serbia dhe Sllovakia kanë nënshkruar një protokoll bashkëpunimi në fushën e punës dhe punësimit, që synon të luftojë punën e paligjshme, si dhe mbrojtjen e qytetarëve mes dy vendeve.

“Një bashkëpunim i tillë i ngushtë synon të sigurojë mbrojtje të plotë të qytetarëve në punë jashtë vendit, duke respektuar rregullat e vlefshme të të dy vendeve”, tha ministri serb i Punës, Gjorgjeviç.

Sipas ministrisë sllovake të Punës, 8.500 qytetarë serbë u punësuan gjatë vitit 2017 në Sllovaki, shifër kjo e dyfishuar nga viti i shkuar.

Protokolli u firmos nga ministri sllovak i Punës Jan Richter dhe homologu i tij serb Zoran Gjorgjeviç, gjatë vizitës të këtij të fundit në Sllovaki.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.