Punësimet në burgje – Gjonaj: Konkursi për herë të parë transparent, Rama bllokoi ndërhyrjet

Ministrja e Drejtësisë Etilda Gjonaj i ka quajtur pëprjekje për përbaltje akuzat për punësimet partiake në sistemin e burgjeve. Në një dalje para mediave, ajo tha se për herë të parë, konkursi dhe përzgjedhje e kandidatëve është bërë tërësisht transparent me me aplikimet dhe vlerësimet në rrugë elektronike.

E pyetur nga Scan lidhur me përgjimet e zbardhura nëpër media, ku përfshihej edhe Kryeministri Edi Rama, ajo tha se nuk bëhej fjalë aspak për bllokim të listës së rekrutimeve nga ana e Kreut të Qeverisë, por bllokim të ccdo ndërhyrje për punësime të pamerituara.

Një ditë më parë, Zëri i Amerikës publikoi  një artikull ku akuzohen zyrtarë të Partisë Socialiste se kanë ndërhyrë për të punësuar militantë partiak ë në sistemin e burgjeve.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.