Punësimi në sektorin bankar/Credins Bank hap aplikimet, Alushi: Mundësi punësimi për të diplomuarit e rinj

CredinsBank ka hapur aplikimet për programit YouAreCredins, i cili synon përthithjen dhe trajnimin e studentëve me mesatare mbi 8, për t’i përgatitur dhe lancuar si bankierë të suksesshëm pranë kësaj banke.

“Programi “YouAreCredins” është një program rekrutimi dhe trajnimi për studentë të sapo diplomuar në shkencat ekonomike, juridike, teknologji informacioni, gazetari ekonomike. Ky program është konceptuar të jetë një ndërthurje e teorisë dhe praktikës, ku studentët e rekrutuar do të jenë të rrethuar jo vetëm në ekspertët dhe mentorët më të mirë të Credins Bank, por edhe nga trajnues të jashtëm të cilët janë të certifikuar në fushën e zhvillimit të aftësive. Në këtë program do të rekrutohen 50 kandidatë, studentë të cilët kanë mesatare mbi 8, studentë të cilët kanë pasion për të qenë të suksesshëm, për të dhënë kontributin e tyre jo vetëm në bankën Credins por për ti shtuar vlerë gjithë sistemit bankar”, deklaroi Segi Alushi, specialiste në sektorin e trajnimeve dhe rekrutimeve, Credins Bank.

“Aplikimi bëhen në webfaqen e Credins Bank, mjafton të zgjedhin programin “YouAreCredins” dhe të detajuara do të dalin të gjitha hapat e nevojshëm për aplikim”.

“Sot jemi në Universitetin Bujqësor të Tiranës, për të promovuar këtë program te studentët e diplomuar dhe studentët e masterit, ndërkohë në ditët në vazhdim do të jemi në universitete të tjera shtetërore dhe private. Të gjithë kandidatët që përfundojnë me sukses këtë program do të nisin  karrierë të suksesshme në bankën Credins”.

Studentët kanë shfaqur një interes tejet të lartë për t’u bërë pjesë e programit, ndërsa e shohin si një mundësi shumë të mirë për t’u bërë pjesë e tregut të punës.

“Mendoj që është një program shumë i mirë dhe i jep mundësi studentëve që të trajnohen dhe të vënë në praktikë atë që kanë marrë në teori gjatë 3 viteve të bachelor-it por edhe masterit”.

“Programin e Credins Bank e shikojë si një program serioz, interesant, edhe pjesa e aplikimit më pëlqeu”.

“Ishte një mundësi shumë e mirë, sidomos për ne që presim një mundësi punësimi dhe janë hapat tonë të parë, kështu që është një përballje e mirë me tregun. Procedura goxha e thjeshtë, një aplikim me telefon dhe çdo gjë online”.

Programi vlerësohet edhe nga Zyrat e Karrierës në Universitete.

“Është një risi shumë e mirë për studentët e UBT-së. Faktikisht ka goxha ndihmë për studentët, përsa i përket edhe praktikës profesionale, ka mundësi dhe gjetje pune, është eksperiencë vërtet shumë e mirë”, tha Fatbardha Ismailaj, zyra e karrierës në Fakultetin e Ekonomisë dhe Agroturizmit, UBT.

Programi YouAreCredins është një eksperiencë e vlefshme me anë të së cilës hidhen hapat e parë të karrierës në një nga Bankat më të suksesshme në vend.

Ai është një histori suksesi për rekrutimet në këtë institucion bankar, ku gjatë 6 programeve të mëparshëm janë përzgjedhur 95 studentë, nga të cilët janë rekrutuar 85 punonjës dhe më tepër se gjysma e tyre janë zhvilluar dhe promovuar në pozicione të reja. Aplikimet për programin e radhës janë të hapura deri në datën 14 shkurt.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.