Punësimi për aftësinë e kufizuar – Manastirliu, apel institucioneve të respektojnë ligjin
Karrige me rrota falas dhe shërbime sa më pranë komunitetit për personat me aftësi të kufizuar. Kështu u shpreh Ministrja e Shëndetësisë dhe Mbrojtjes Sociale, Ogerta Manastirliu në Qendrën e Zhvillimit në Durrës, ku shpërndau karrige me rrota për personat me aftësi të kufizuar.
Ndërkohë që ministrja ka bërë apel ndaj të gjithë institucioneve që të punësojnë persona me aftësi të kufizuar.
“Gjithëpërfshirja për personat me aftësi të kufizuar nuk mund të mjaftohet me shërbimet që ofrohen. Punësimi është një element shumë i rëndësishëm për rriintegrimin e tyre. Ndaj ju bëj apel institucioneve publike dhe jopublike, të punësojnë personat me aftësi ndryshe, jo vetëm si një detyrim ligjor, por edhe për të treguar përgjegjësinë sociale dhe detyrimin moral që gjithësecili prej nesh ka, për rrintegrimin dhe gjithëpërfshirjen e personave me aftësi të kufizuar”, tha Manastirliu.
Me ngritjen e Fondit Social dhe financimin e Ndërmarrjeve Sociale, me buxhetin e vitit 2019, do të ketë më shumë vëmendje për personat me aftësi ndryshe, sipas Ministres së Shëndetësisë.
Ndërkohë që vetë personat me aftësi ndryshe nuk janë të kënaqur me buxhetin e 2019, pasi sipas tyre nuk parashikohet rritje për pagesën e paaftësisë por vetëm indeksim i saj.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.