Punëtorët polakë, rikthehen në shtëpi/ Bie numri i emigrantëve kryesisht prej Brexit

Më pak punëtorë polakë kanë emigruar se sa janë kthyer në shtëpi, për të parën herë në një dekadë,  kryesisht prej Brexit dhe fuqizimit të tregut lokal të punës.

Sipas zyrës së Statistikave në Varshavë, numri i polakëve që jetojnë jashtë vendit ra me 85,000 vitin e kaluar, në një total prej 2.46 milionë,  rënie e nxitur kryesisht prej largimit nga Mbretëria e Bashkuar.

Norma e papunësisë së Polonisë ka rënë gjithashtu në nivelet më të ulëta që prej komunizmit, nxitur nga rritja e pagave dhe konkurrenca.

Analistët thonë se kjo rënie e emigrantëve është inkurajuar kryesisht nga Brexit dhe është diçka pozitive për vendin, që i duhen dëshpërimisht punëtorët.

Numri i polakëve që punojnë në Mbretërinë e Bashkuar ra me 98,000 në një total prej 695,000,  prej pasigurisë në lidhje me Brexit, si dhe prej raportimeve të sjelljes anti-emigrim.

Rënia ka bërë që Mbretëria e Bashkuar të zbresë poshtë Gjermanisë, që mban 706,000 punëtorë polakë, për të parën herë që prej vitit 2006.

Polakët po rikthehen në shtëpi tashmë, diçka që bën kontradiktë me periudhën kur vendi u bë anëtar në BE në vitin 2004, ku pati një fluks gjigant të emigrimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.