Punimet në aksin Burrel-Klos, ARRSH: Nga 18.6 kilometra, 16.2 me shtresë asfalti.Segmenti përfundon në një kohë shumë të shkurtër (FOTOT)
Drejtoresha e Autoritetit Rrugor Shqiptar ka inspektuar punimet në segmentin rrugor Burrel-Klos me gjatësi 18.6 kilometra, një nyjë e rëndësishme për ekonominë e vendit.
Referuar njoftimit zyrtar të ARRSH-së, aktualisht në një gjatësi prej 16.2 kilometra e deri në qytetin e Burrelit kanë përfunduar shtresat asfaltike.
“Në segmentin e mbetur në afërsi të qytetit të Klosit po vijohet me hedhjen e shtresave asfaltike. Falë punës intensive dhe me forca të shtuara pune pritet që brenda një kohe shumë të shkurtër ky segment rrugor, tashmë me parametra bashkëkohorë, të përfundojë dhe vihet të në përdorim të plotë për qarkullimin e mjeteve” njofton ARRSH.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.