Punonjësit e administratës – Gjosha: 30% e kontratave të punës, të paligjshme. Mesi: I lidhi LSI

Emërimet e paligjshme në administratë janë kthyer në objekt debati mes zv.kryeministres Senida Mesi dhe deputetëve të opozitës, gjatë një seance dëgjimore në Komisionin e Integrimit.. Deputetja e LSI, Klajda Gjosha tha se 30% e kontratave janë të paligjshme, ndërsa Mesi tha se këto emërime janë kryer nga forca politike që përfaqëson ish-ministrja.

Deputetja e PD Grida Duma e vuri theksin te kostoja e lartë që paguan buxheti i shtetit për largimet e padrejta nga puna, duke theksuar se sot paguhen 2 administrata.

Në kuadër të reformës në administratë,  zv. kryeministrja tha se pas reduktimit të numrit të ministrive, aktualisht  po ristrukturohen agjencitë që janë në varësi të Ministrisë së Bujqësisë, Arsimit dhe Shëndetësisë.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.