Pushim për njërin prind deri në 23 mars, masat nga qeveria: “Kush mundet punën ta kryejë online’
Qeveria shqiptare ka prezantuar në ditën e sotme, në një mbledhje urgjente, një set masash që pritet të ndihmojën në luftën ndaj virusit më të ri CO-VID19.
Shefi i qeverisë shqiptare ka bërë thirrje te publiku për të kufizuar lëvizjen dhe për të mos përhapur panik në një situatë të tillë.
Pezullimi i sistetmit arsimor deri në 23 mars dhe pezullimi I aktiviteteve deri në 3 prill sollën edhe disa problem të tjera, ku fëmijët tashmë do të detyrohen të vetë-ziolohen në shtëpi dhe kanë nevojën për kujdes prindëror.
Qeveria i ka kushtruar një vëmendje të veçantë kësaj kategorie duke prezantuar një masë të re.
Njëri prej prindërve të punësuar në sektorin privat dhe publik që kanë një fëmijë në çerdhe, kopsht apo shkollë, do ta marrin pushim.
Ky pushim parashikohet nga data 10 mars deri më 23 mars, kur pritet të rinisë procesi mësimor nëse nuk merr tjetër përshkallëzim situata me koronavirusin në Shqipëri.
Ndërkohë, Rama tha se çdo punonjës që mund të punojë nga shtëpia me kompjuter nuk është i detyruar të jetë në zyrë.
Kryeministri gjithashtu u shpreh se nga nesër administrata do t’I kryejë të gjitha angazhimet nga shtëpia ndërsat sallat e shërbimeve do të mbyllen, dhe të gjitha kërkesat do të bëhen online.
“Nesër do të çojmë në shtëpi të gjithë atë pjesë të administratës që mund të punojë nga shtëpi me kompjuter. Të gjitha aplikimet online. Nesër shërbimi i ADISA-ë do të mbyllet. Të gjitha shërbimet do të kërkohen online. Kur kurba të fillojë të përmirësohet të marrin përgjigjet. Për këtë arsye ne të gjithë prindërve që kanë një fëmijë në moshën e çerdhes, kopshtit apo arsimit bazë dhe nuk janë në pjesën e administratës që do të shkojnë në shtëpi për të punuar nga shtëpia, ne i kemi dhënë dhe formalizojmë sot, lejen për të shkuar në shtëpi, për të mbajtur fëmijët në shtëpi, për të kufizuar kontaktet e tyre me të tjerët. Nuk është gjëja më e pëlqyeshme që mund të na ndodhte, sidomos ne, që punojmë për të jetuar. Por është diçka me të cilën duhet të përballemi me seriozitet me dinjitet”, tha Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.