Pushimet nga puna gjatë pandemisë. Britani, prekin nivel rekord gjatë T3, përmbyset tregu i punës

Punëdhënësit britanik kanë shkurtuar staff të panevojshëm me një normë rekord në tremujorin e tretë, ndërkohë që dhe norma e papunësisë u rrit, sipas zyrës së Statistikave në Londër. Një numër rekord prej 314,000 punëtorë britanikë janë pushuar në periudhën Korrik-Shtator.  Norma e papunësisë u rrit në 4.8%, apo në 1.6 milionë njerëz, që është më e larta që prej vitit 2016.   Ndërkohë që publiku dhe investitorët u gëzuan në nisje të Javës, prej lajmeve se vaksina e Pfizer dhe BioNTech është mbi 90% efektive, zyra e Statistikave bëri të ditur se do të ketë muaj të vështirë përpara për shumë britanikë.

Banka e Anglisë parashikoi javën e kaluar se norma e papunësisë në vend mund të arrijë në 6.3% në fund të vitit dhe të prekë majën prej 8% në tremujorin e dytë të vitit të ardhshëm. Ministri i Financave Rishi Sunak, zgjati deri në muajin Mars paketën e kushtueshme të subvencionimit të pagave në 80% të punëtorëve të larguar nga pandemia. Banka e Anglisë pret që rreth 5.5 milionë punëtorë do të kenë nevojë nga ky program gjatë karantinës kombëtare këtë muaj, nga 2 milionë që kishin nevojë në Tetor.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.