Pushimet verore/ Këtë sezon mund të keni nevojë të rezervoni paraprakisht seancën për ‘banjo dielli’
Njerëzit zakonisht bëjnë rezervime për vende në restorante apo bare por këtë vit si pasojë e distancimit social i cili do të duhet të vazhdohet të respektohet edhe për disa kohë do të duhet të rezervojmë edhe vendin tonë në plazh. Kjo është pikërisht ajo që disa plazhe do të duhet të bëjnë në Spanjë këtë verë, falë krizës së koronavirusit.
Canet d’en Berenguer, një qytet mesdhetar që ndodhet në veri të Valencias, do të lejojë vetëm 5,000 pushues në plazhin e tij lokal, rreth gjysmën e numrit të zakonshëm, në mënyrë që të mbajë distancën sociale. Këto hapësira do të duhet të rezervohen paraprakisht përmes një aplikacioni të telefonit celular.
“Kjo verë do të jetë shumë e ndryshme,” i thotë CNN Pere Joan Antoni Chordá, kryetari i qytetit. “Do të ketë më shumë hapësirë midis fqinjit tuaj. Si një plazh i ‘klasës së biznesit’.” Canet do të përdorë një model rrjeti për të ndarë plazhin e tij të gjerë dhe të sheshtë në seksione katrore, secila e ndarë nga dy metra.
Seksionet do të përcaktohen duke hedhur një seri rrjetash në rërë, të cilat duken si rrjeta të mëdha portash futbolli për të akomoduar grupe më të mëdha pushuesish. Ata do të lejohen të rezervojnë një seancë për banjo dielli ose në mëngjes ose pasdite, por jo gjithë ditën.
Sipas kryetarit të bashkisë, turistët mund të rezervojnë çdo zonë në dispozicion, ashtu sikurse veprohet për rezervimet e vendeve në internet për në kinema, dhe oraret do të reduktohen për të shmangur turmat. Pikat e hyrjes në plazh gjithashtu do të zvogëlohen.
Pasi të arrijnë dhe të konfirmojnë rezervimin e tyre me stafin, plazhistët do të dërgohen në pjesën e tyre të caktuar. Antoni i konsideron rezervimet paraprake si një masë thelbësore. “Unë nuk do të jem në gjendje të kontrolloj rrjedhën e njerëzve [pa këto masa të reja]. Në të kundërt do të gjendeshin të gjithë bashkë, duke kontaminuar njëri-tjetrin,” shpjegon ai.
Canet d’en Berenguer nuk është qyteti i vetëm Spanjoll që ka zgjedhur të kufizojë hyrjen në plazh këtë verë.(CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.