Putin e thotë haptazi: “Rusia ka pasur gjithnjë respekt të madh për Amerikën
Presidenti rus Vladimir Putin tha se vendi i tij gjithmonë ka pasur “respekt të madh” për Sh.B.A.-të dhe shpreson se nuk do të akuzohet për ndërhyrje në zgjedhjet e SHBA-së në vitin 2020.
Duke folur para një audiencë në forumin e investimeve “Rus Calling” në Moskë, Putin tha se ai besonte se Rusia kishte “shumë interesa të përbashkëta me Shtetet e Bashkuara”.
“Sh.B.A është një fuqi e madhe, dhe ne gjithmonë i kemi trajtuar me shumë respekt, kemi qenë dy herë aleatë në dy luftëra botërore, kjo është historia jonë e përbashkët,” tha ai.
Marrëdhëniet midis Putinit dhe Presidentit Donald Trump kanë qenë të përzemërta, pavarësisht një sërë sanksionesh amerikane të vendosura ndaj Rusisë pas aneksimit të saj të vitit 2014 të Krimesë nga Ukraina, rolin e saj në një kryengritje pro-ruse në lindje të Ukrainës dhe ndërhyrjeve të saj në zgjedhjet e SHBA për vitin 2016.
Ka pasur shenja të lodhjes së sanksioneve në Evropë por Trump ka qenë nën presionin e ligjvënësve amerikanë që të mos lehtësojnë presionin ndaj Rusisë. Fqinji i Rusisë, Ukraina aktualisht është nën qendër të vëmendjes pas një telefonate midis Trump dhe Presidentit të saj të ri Volodymyr Zelensky që shkaktoi një hetim të “heqjes nga zyra” ndaj presidentit të Sh.B.A-së, i cili akuzohet se po përpiqet të bëjë presion në Ukrainë për të hetuar rivalin e tij politik Joe Biden. Trump e mohon kategorikisht akuzën.
Putini tha se shpresonte që Rusia të mos akuzohej për ndërhyrje përsëri pasi fokusi është zhvendosur në Ukrainë. “Shpresojmë se askush nuk na akuzon për ndërhyrje zgjedhore në Shtetet e Bashkuara. Tani ata po akuzojnë Ukrainën. Ne do t’i lejojmë ata të merren me atë vetë, “tha ai.
“Por këta faktorë të politikës së brendshme dhe luftës së brendshme politike në Shtetet e Bashkuara kanë një ndikim negativ në marrëdhëniet ruso-amerikane. Shpresoj se kjo do të marrë fund në të ardhmen – ne jemi gati, “tha ai.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.