Putin i përgjigjet Biden duke i uruar “shëndet të mirë” / Marrëdhëniet SHBA-Rusi në pikë shumë të ulët
Vladmir Putin i ka uruar Joe Biden “shëndet të mirë” ndërsa zyrtarët e Kremlinit sulmuan presidentin “e çmendur, histerik” të SHBA dhe premtuan hakmarrje nëse ai nuk kërkon falje për përshkrimin e homologut të tij rus si një “vrasës”.
Putini tha se vërejtjet e Biden pasqyrojnë të kaluarën dhe problemet aktuale të vetë SHBA-ve.
Moska tërhoqi të Mërkurën ambasadorin e saj në Uashington pasi Biden ra dakord gjatë një interviste televizive se Putini kishte orkestruar vrasje. Në të njëjtën intervistë Biden tha se homologu i tij rus së shpejti do të “paguajë një çmim” për ndërhyrjen e pretenduar të zgjedhjeve.
Ofendimet vijnë pasi Uashingtoni vendosi sanksione mbi helmimin e liderit të opozitës Alexei Navalny dhe deklasifikoi një raport të inteligjencës duke deklaruar se Putini drejtoi ndërhyrjen në zgjedhjet presidenciale të SHBA 2020, duke shtyrë marrëdhëniet midis vendeve në nivele të ulëta.
“Këto janë deklarata shumë të këqija nga presidenti i Shteteve të Bashkuara,” tha të Enjten zëdhënësi i Kremlinit Dmitry Peskov. “Ai qartazi nuk dëshiron të përmirësojë lidhjet dhe ne do të duhet të vazhdojmë me të njëtin ritëm.”
Duke folur në një TV rus, Putini tha: “Më kujtohet në fëmijërinë time, kur grindeshim në oborr thonim: Cdo njeri njeh tek tjetri atë që i njeh vetes. Dhe kjo nuk është një rastësi, jo vetëm thënie apo shaka e fëmijëve.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.