Putin : ”Rusia, më e mira në shërbimet speciale!”
Presidenti Vladimir Putin është shprehur se shërbimet speciale ruse kishin përfunduar punën e qindra spiunëve dhe informatorëve në vend vitin e kaluar. Në një fjalim për oficerët e shërbimit të sigurisë të FSB, të cilin ai e udhëhoqi para se të bëhej president, Putin tha se agjensitë e huaja të inteligjencës po e rrisnin aktivitetin e tyre në Rusi.
“Në sajë të operacioneve speciale të kryera me sukses, veprimtaria e 129 spiunëve dhe 465 informatorëve përfundoi’. Agjencitë e huaja të inteligjencës po përpiqen të rrisin aktivitetin e tyre në hapësirën ruse, duke kërkuar qasje në çfarëdolloj mjeti për informacionin politik, ekonomik, shkencor dhe teknologjik. Puna e FSB-së duhet të jetë efikase, veçanërisht në lidhje me prodhimin e sistemeve të armëve ruse”, tha Putin.
Agjencitë e sigurisë dhe agjencitë e inteligjencës të Rusisë kanë qenë rrallë herë jashtë titujve globalë në vitet e fundit. Moska akuzohet se ka ndërhyrë në zgjedhjet e huaja dhe ka urdhëruar helmimin e ish-spiunit, Sergei Skripal në qytetin anglez Salisbury dhe pasi Uashingtoni u tërhoq nga forcat bërthamore të Luftës së Ftohtë, këtë vit Putin tha se Rusia do të zhvillonte raketa të reja.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.