Qendra e Thirrjeve – Tatimet: Në 2 vjet, shërbime pa pagesë për më shumë se 105 mijë tatimpagues

Në pak më shumë se dy vjet që prej krijimit të Qendrës së Thirrjeve, Administrata Tatimore ka ofruar shërbime pa pagesë për 105,373 tatimpagues.

Referuar të dhënave statistikore të DPT-së, për periudhën janar 2017-shkurt 2019 kanë mbërritur 19,999 telefonata në numrin e gjelbër pa pagesë 0800 00 02, ndërsa administrata ka komunikuar me 105,373 tatimpagues.

Kështu, tatimpaguesit mund të marrin informacione dhe asistencë nga Qendra e Thirrjeve lidhur me deklarimin elektronik, legjislacionin tatimor si dhe çështje të tjera për Administratën Tatimore. Asistenca ofrohen nga e hëna në të enjte, ora 08:30-18:00, kurse ditën e premte me orar më të shkurtuar 08:30-16:00.

Ndërkohë, sa i takon komunikimit në kohë reale përmes dritares së ndihmës Live Chat, sipas DPT përmes kësaj platforme është komunikuar me 12,900 përdorues dhe vizitorë të faqes.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.