Qeveria, 4 mijë lekë për punonjës. Ndihma, për bizneset e vogla e të mesme për të zbatuar protokollet anti-Covid
Qeveria ka vendosur të ndihmojë bizneset e vogla dhe të mesme, ndërkohë që vendi po përballet me rritjen e infektimeve me koronavirus. Në mbledhjen e qeverisë, Këshilli i Ministrave vendosi të ndihmojë bizneset prodhuese për të mbuluar një pjesë të shpenzimeve, për të zbatuar protokollet në kuadër të pandemisë COVID-19, bazuar në numrin e të punësuarve. Ndihma do të jepet për periudhën nëntor-dhjetor.
Ndërmarrjeve u jepet si ndihmë financiare një shumë fikse, në masën 4 mijë lekë për çdo punonjës, për të dy muajt, ose 2 mijë lekë për çdo muaj. Nuk përfitojnë nga ndihma financiare ndërmarrjet, të cilat nuk rezultojnë aktive në datën e hyrjes në fuqi të vendimit dhe që nuk kanë dorëzuar deklaratë vjetore për vitin 2019.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.