Qeveria bën hapa pas për koncesionet – Tërhiqet nga kolaudimi, ul kostot për Rrugën e Arbrit dhe kontratat e tjera

Qeveria shqiptare është tërhequr nga koncesioni i kolaudimit i cili ishte planifikuar në buxhet për vitin e ardhshëm, si dhe ka rishikuar listën e kontratave të tjera të parashikuara, duke ulur kostot e secilës prej tyre. Sqarimi është bërë nga Ministrja e Financave, Delina Ibrahimaj, gjatë diskutimeve për buxhetin 2022 në Komisionin e Ekonomisë.

Ndërkaq, nga e gjithë paketa fiskale, Komisioni i Ekonomisë ka marrë parasysh vetëm një propozim, duke miratuar uljen e akzicës së naftës për jahtet luksoze. Votim për të cilin vetë deputetët nuk janë në dijeni, gjë që ka ngjallur debate në komision, me argumentin se nuk iu kushtua vëmendje shqetësimeve për sektorin bujqësor.

Një tjetër diskutim është përqenduar në uljen e fondeve për pronarët dhe ish të përndjekurit politik, që sipas Ministres së Financave, nuk është menduar një vlerë më e lartë për shkak se ka pasur problematika në përthithjen dhe disbursimin e këtij fondi.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.