Qeveria gjermane dhe britanike dhurojnë pajisje për parandalimin e pastrimit të parave në Shqipëri!
Nëpërmjet një njoftimi të publikuar nga Ambasada Gjermane në Shqipëri është njoftuar se qeveria gjermane dhe ajo britanike dhuruan disa pajisje që do të ndihmojnë Drejtorinë e Përgjithshme të Parandalimit të Pastrimit të Parave të arrijë objektivat e saj në luftën kundër pastrimit të parave në Shqipëri.
Në ceremoninë e zhvilluar me pjesëmarrjen e Zv. Ministres së Financave dhe Ekonomisë Znj. Vasilika Vjero, Zv. Ambasadorit Gjerman Z. Jannis von Oy, Zv. Ambasadorit Britanik Z. Jason Ivory, Drejtores së Përgjithshme të GIZ në Shqipëri Znj. Sonja Kurz dhe Drejtorit të Përgjithshëm të Parandalimit të Pastrimit të Parave Z. Elvis Koçi, u theksua mbështetja e vazhdueshme që do të japin qeveritë gjermane dhe britanike në përmbushjen e rekomandimeve të Grupit të Posaçëm të Veprimit Financiar FATF/Moneyval (Komitetit të Ekspertëve për Vlerësimin e Luftës Kundër Pastrimit të Parave).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.