Qeveria greke ofron shkëmbim obligacionesh, si një hap për të lënë varësinë financiare

Qeveria greke njoftoi një shkëmbim obligacionesh të mërkurën, si një hap për Greqinë që të qëndrojë me këmbët e veta mbas përfundimit të programit të tretë të ndihmës në gushtin e 2018.

Shkëmbimi është një përpjekje për të ndërtuar besimin e tregut, kur do të përfundojë marrja e kredive nga Bashkimi Europian dhe Fondi Monetar Ndërkombëtar.

Investitorët janë të ftuar të shkëmbejnë 20 obligacione me vlerë 29.7 miliardë euro, me pesë obligacione të reja. Bonot e reja do të kenë afate prej 5, 10, 15, 17 dhe 25 vjet, afati i fundit për oferta është 28 nëntor.

Qëllimi i shkëmbimit është të ketë obligacione më pak dhe më të tregtueshme, ndërsa në të njëjtën kohë i lejon investitorët të likuidojnë portofolat e tyre me lehtësi më të madhe.

Qeveria greke po planifikon një shitje të re të bonove në fillim të vitit 2018, pas përfundimit të shqyrtimit të tretë të programit të shpëtimit.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.