Qeveria holandeze ndalon ndërtimin e super jahteve për oligarkët rus për shkak të sanksioneve!

Qeveria holandeze tha të mërkurën se aktualisht po parandalon 14 jahte – duke përfshirë 12 që ishin në ndërtim – të largohen nga vendi për shkak të sanksioneve ndaj Rusisë. Ministria e Punëve të Jashtme e bëri deklaratën në një letër drejtuar parlamentit, duke i përditësuar ligjvënësit për zbatimin e sanksioneve pas kritikave se Holanda kishte mbetur prapa vendeve të tjera europiane në zbatimin dhe konfiskimet.

Ndërtimi i jahteve është një industri e rëndësishme në Holandë, me të dhënat e dhomës së tregtisë që tregojnë se ndërtuesit kryesorë Heesen, Feadship, Damen Shipyards dhe Oceanco kishin kombinuar shitje prej rreth 1.5 miliardë euro (1.66 miliardë dollarë) në 2020.

Në letrën e së mërkurës thuhej se ndërsa asnjë “superyaht” nuk është ankoruar në territoret holandeze, duke përfshirë ishujt e Karaibeve si Saint Maarten, 12 jahtet në ndërtim për pronarët rusë “nuk mund të dorëzohen në këtë moment për shkak të masave aktuale të eksportit” dhe strukturat e tyre të pronësisë janë nën hetim.

Në mars, dy anëtarë rusë të bordit mbikëqyrës të Heesen Yachts dhanë dorëheqjen. Heesen është në pronësi të Morcell Ltd. të Qipros, mjeti investues i presidentit të miliarderit Lukoil, Vagit Alekperov, i cili nuk është në listat e sanksioneve.

Dy jahtet e tjerë të përmendur në letrën që nuk mund të nisen nga Holanda ishin në vend duke iu nënshtruar mirëmbajtjes, tha ai. “Për njërin prej këtyre jahteve, po shqyrtohet marrëdhënia me një person të përmendur në listat europiane të sanksioneve”, thuhet në deklaratë.

Letra përfshinte gjithashtu një përditësim mbi asetet financiare, duke thënë se 516 milionë euro në asete dhe 155 milionë euro në transaksione janë ngrirë, pak më shumë se javën e kaluar. Qeveria vlerëson se 27 miliardë euro në asete ruse janë në bilancet e kompanive të regjistruara në Holandë, nga të cilat rreth 20 miliardë euro mbahen nga kompani guaska me pak prani fizike në vend. RTS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.