Qeveria jep 30 mijë euro për Këshillin Kombëtar Shqiptar në Serbi
Këshilli i Ministrave ka miratuar në mbledhjen e fundit vendimin për dhënien e një ndihme financiare prej 30 mijë euro për Këshillin Kombëtar Shqiptar në Serbi, për mbështetjen e funksionimit të këtij këshilli si dhe të zyrave të tij në Preshevë dhe Medvegjë.
“Ministrisë për Evropën dhe Punët e Jashtme, në buxhetin e miratuar për vitin 2019, në programin “Shpenzime diplomatike jashtë shtetit”, në zërin “Shpenzime korrente”, t’i shtohet kundërvlera në lekë e fondit prej 30 000 (tridhjetë mijë) eurosh. Ky fond të përballohet nga fondi rezervë i buxhetit të shtetit, miratuar për vitin 2019” përcaktohet në vendim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.