Buxheti ka humbur gjysmë miliardë lekë gjatë 4 muajve, Rama: “Nga 27 prilli fillon hapja graduale”
Kryeministri Edi Rama gjatë një komunikimi në prag të fundjavës ku izolimi do të fillojë nga ora 11:30 e të shtunës ka bërë me dije edhe bilancin e qeverisë nga “lufta” e përballjes me COVID-19.
‘Edhe shtëpia jonë e madhe ka marrë një goditje të fortë’ u shpreh kryeministri dhe kjo nuk është një formë ankese sipas tij, por për të kërkuar mirëkuptimin e qytetarëve.
Nga kjo periudhë 4 mujore, nga maji në qershor parashikimi i qeverisë është për gjysmë miliardë humbje në buxhetin e shtetit.
“Unë dhe kjo qeveri do të bëjmë gjithçka që t’u gjendemi pranë gjithkujt, por mbajeni parasysh, kjo shtëpi, ky shtet ka humbur si rezultat i kësaj lufte 100 mln euro në muajin mars. 170 mln në prill dhe me gjasë do të humbasë 170 mln në maj dhe 100 mln në muajin qershor, që është në total gjysmë miliard euro, nuk po ju qahem dhe as po ankohem.
Por nuk do të thotë se do ju harrojmë, por thjesht po ju them se edhe në shtëpinë tonë të madhe janë goditur dhe duke marrë parasysh se sa shumë po bëjmë, të ardhurat janë goditur fort. Unë dua që ju të merrni më shumë nga sa kërkoni, se sot ju jeni më shumë se kurrë familja ime, por kam përgjegjësinë se kjo shtëpi të ketë dinjitet. Mos dëgjoni ato që detin e kthejnë në kos! Ne do të fillojmë këtë luftë dhe ne do ta kuptojmë se sa e mirë mund të jetë Shqipëria”, tha Rama.
Gjithashtu, shefi i qeverisë u shpreh se nga data 27 prill do bëhen të ditura kategoritë e bizneseve që mund të fillojnë sërish aktivitetin në portalin shtetëror e-albania.
” Javën e ardhshme do të punojnë krejt lirisht brenda fashës së përcaktuar nga 05:00-17:30 apo me turne, të gjitha ata që nga nesër paradite do të jenë në kategoritë e lejuara që do të publikohen në faqen e e-Albania. Të gjitha bizneset në të gjitha këto kategori duhet të sigurohen që në cdo kolektiv të mësohet se cilat janë detyrat dhe të respektohet protokolli i sigurisë sipas rregullave të përcaktuara, por edhe të mësojnë pasojat penale për shkelësit e këtyre rregullave” tha Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.