Qeveria në Vlorë, Rama: Skanim administratës. Ministrat shpalosin ndërhyrjet në qarqe
Qeveria vazhdon në ditën e dytë të mbledhjes në qytetin e Vlorës, ku në takim marrin pjesë edhe përfaqësues e drejtor të administratës në këtë qark.
Kryeministri Rama në fjalën e tij tha se do të kryhet një skanim i gjerë në çdo sektor në qarkun e Vlorës.
“Skanim të gjithë administratës në qarkun e Vlorës, dhe përputhshmëri midis vendit të punës, diplomës së çdo individi që mbulon një vend pune. Ky raport duhet dorëzuar çdo ministri dhe një kopje zv/kryeministres. Ajo ndjek të gjithë procesin që po merremi”.
Ministri i Brendshëm Fatmir Xhafaj paralajmëroi dhe ndryshime në polici, pasi shumë ngjarje të bujshme janë ende të pazbardhura.
”Është e papranueshme që vetëm brenda një viti janë 5- 6 vrasje dhe zbulimi i autorëve lë shumë për të dëshiruar dhe për ne është jashtëzakonisht shqetësues. Duhet të bëjmë analizë më të thellë dhe të jetë e nevojshme për të bërë ndryshimet e duhura“.
Ministrja e Arsimit Lindita Nikolla në fjalën e saj tha se sfidë për ministrinë mbetët cilësia e arsimit, dhe zgjidhje për këtë ajo sheh testimin e mësuesve.
“Testimi të gjithë mësuesve për të shmangur ato probleme që ka sot arsimi. Duhet të ndryshojmë këtë realitet. Vlora është mbi mesataren me 1 pikë të të gjithë mësuesve në testimin e dalë. Janë 25 drejtues shkollash që do të lëvizin”.
Ministrja e Shëndetësisë Ogerta Manastirliu tha se “kemi ende shumë për të bërë në rrjetin e ofrimit të shërbimeve në këtë qark”.
(…vijon)
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.