Qeveria nis fushatën paralajmëruese se si do të ndikojë Brexit pa marrëveshje tek shtetasit britanikë
Qeveria e Britanisë ka filluar një fushatë reklamuese duke paralajmëruar britanikët dhe shtetasit europianë që të “përgatiten” për një Brexit pa marrëveshje më 31 tetor. Fushata përfshin reklama në internet dhe një faqe interneti krejtësisht të re që shpjegon se si Brexit do të ndikojë të përditshmëria e banorëve, aq të detajuar, sa përfshin edhe pikën e udhëtimeve me kafshët shtëpiake.
“Garantimi i një Brexit të rregullt nuk është vetëm çështje me rëndësi kombëtare, por një përgjegjësi e përbashkët,” tha Michael Gove, ministri i qeverisë britanike.
Uebfaqja e krijuar në këtë fushatë siguron informacione se si Brexit do të ndikojë në vizat, udhëtimet, të drejtat e punës, sigurimin e udhëtimit dhe pasaportat e kafshëve shtëpiake, si dhe se si do të ndikojnë disa rregulla te bizneset dhe studentët.
Aty paralajmërohen shtetasit britanikë që jetojnë në BE se ata mund të kenë nevojë të aplikojnë për qëndrim dhe mund të humbasin mbulimin e tyre të kujdesit shëndetësor, gjithashtu paralajmëron banorët e Britanisë së Madhe se ata do të kenë të drejtë vetëm për 90 ditë udhëtim në Evropë çdo gjashtë muaj.
Pronarët e kafshëve janë paralajmëruar se mund të duhen katër muaj për të marrë një vizë për kafshët shtëpiake të tyre për të udhëtuar në BE, ndërsa udhëtarët paralajmërohen gjithashtu që tarifat e lëvizjes mund të rriten pasi Britania të largohet nga BE.
Burimi: Euronews/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.