Qindra kriminelë të arrestuar pasi përdorën aplikacionin e mesazheve të drejtuar fshehurazi nga FBI
Autoritetet në Australi dhe Zelandën e Re thanë të martën se ata i kanë dhënë një goditje të madhe krimit të organizuar pasi qindra kriminelë u mashtruan për të përdorur një aplikacion mesazhesh që drejtohej fshehurazi nga FBI. Policia tha se bandat kriminale menduan se aplikacioni i koduar i quajtur ANOM ishte i sigurt nga përgjimi kur, në fakt, autoritetet për muaj kishin monitoruar miliona mesazhe në lidhje me kontrabandën e drogës, pastrimin e parave dhe madje edhe vrasjet e planifikuara.
Aplikacioni ishte pjesë e një sulmi botëror të quajtur operacioni Trojan Shield, i cili drejtohej nga FBI dhe përfshinte Administratën e Zbatimit të Drogës në SHBA, agjencinë policore të Bashkimit Europian Europol dhe agjencitë e zbatimit të ligjit në më shumë se një duzinë vendesh. Autoritetet europiane dhe amerikane planifikuan njoftimet e tyre më vonë të martën.
Autoritetet në Australi thanë që aplikacioni ishte instaluar në celularë të zhveshur dhe popullariteti i tij u rrit organikisht në qarqet kriminale pasi u garantua nga disa figura të profilit të lartë të botës së krimit, të përshkruar si “ndikues kriminale”. Autoritetet Australiane thanë se ata arrestuan 224 persona dhe sekuestruan më shumë se katër ton drogë dhe 28,7 milion euro në një operacion në vazhdim që daton tre vjet më parë. Policia e Zelandës së Re tha se ata kishin arrestuar 35 persona dhe kishin kapur drogë dhe pasuri me vlerë miliona dollarë.
Kryeministri Australian Scott Morrison u tha gazetarëve se ishte një moment rëndësishëm që do t’i mbante komunitetet e vendit më të sigurta. Komisioneri Federal i Policisë Australiane Reece Kershaw tha se goditja, e quajtur Operacioni Ironside në Australi, u lind nga një partneritet i gjatë midis agjencisë së tij dhe FBI. Ai tha se ata kishin mbyllur gjashtë laboratorë klandestinë dhe kishin ndaluar 21 kërcënime me vdekje, duke përfshirë shpëtimin e një familje me pesë vetë.
Det. Kryeinspektori Greg Williams, i cili drejton një grup policie të Zelandës së Re që lufton krimin e organizuar, tha se goditja u krijua në 2018 pasi FBI hodhi poshtë një aplikacion të mëparshëm të sigurt të favorizuar nga kriminelët, Phantom Secure. Williams tha kjo që la një boshllëk në treg dhe që autoritetet ndihmuan të mbushej me aplikacionin ANOM. Ai tha se Zelanda e Re ishte një vend i vogël dhe mbështetej në aftësitë mbledhëse të inteligjencës të partnerëve të saj Five Eyes, të cilat përfshijnë SH.B.A., Australia, Kanada dhe Britania. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.