Qytetarët, në vështirësi nga reshjet, Basha në Sukth: “Nuk është bërë asnjë investim. koha për qeveri të re”
Kreu i Partisë Demokratike, Luzim Basha u ndal në Rrushkull, zonën e Sukthit për të parë nga afër gjendjen e vështirë në të cilën ndodhen banorët, për shkak të përmbytjeve nga reshjet e shiut .
Banorët njohën kreun e opozitës me problematikat e krijuara duke thënë se nuk është marrë asnjë masë për të parandaluar përmbytjet:
“Investimet kanë ngelur në mes. Nuk e kanë përfunduar as gjeneratorët edhe as kanalin. Për shkak se investimet janë lënë përgjysmë, për këtë arsye ndodh edhe përmbytja.”
Kreu i PD hodhi akuza ndaj qeverisë e cila sipas tij nuk e ka mbajtur premtimin për të investuar në këto zona
“Po të kishin bërë investimin nuk do ishit në këtë gjendje. Nëse qeveria nuk do mendonte për ju nuk do shtroheshin në restorante luksove nëpër vende të botës, por do vinin këtu edhe do shpjegonin pse nuk i kanë mbaruar punët. E njëjta situatë në Lezhë, Krujë dhe Shkodër, kudo që shkoj është e njëjta situatë ashtu si para tre apo katër vitesh. Mbushën 8 vite dhe asnjë premtim nuk kanë mbajtur.”
Basha u shpreh se prej vitesh ka munguar prania e shtetit duke theksuar se tashmë ka ardhur koha për një qeveri te re.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.