Qytetet më të shtrenjta në botë për të punuar në vitin 2022! Ku pozicionohet Tirana?

Hong Kongu është cilësuar si qyteti më i shtrenjtë për të jetuar dhe punuar jashtë shtetit këtë vit, sipas një raporti të ri i cili thekson ndikimin e rritjes së kostove të jetesës dhe përkeqësimit të tendencave makroekonomike në tregun e emigrantëve.

Qyteti u ngrit një vend në indeksin e kostos së jetesës së Mercer 2022 për të rifituar pozicionin kryesor pasi ra në vendin e dytë në 2021 nga Ashgabat, Turkmenistan. Kjo shënon herën e katërt në pesë vjet që qendra financiare aziatike është renditur si lokacioni më i kushtueshëm për personat që vendosin të punojnë jashtë shtetit.

Ringjallja e Hong Kongut u nxit pjesërisht nga presionet në rritje inflacioniste, të cilat i kanë shtyrë kostot e jetesës më të larta në të gjithë globin. Ndërkohë, kufizimet e vazhdueshme për Covid dhe rritja e paqëndrueshmërisë politike e kanë bërë më të shtrenjtë kompensimin e stafit që është postuar atje, tha partneri i Mercer Vince Cordova.

Hong Kongu ishte vendi më i jashtëzakonshëm aziatik në top pesëshen e dominuar nga qytetet zvicerane në indeksin e kostos së jetesës së Mercer 2022: Zyrihu, Zvicër renditet si qyteti i dytë më i shtrenjtë në botë për punëtorët jashtë shtetit, i ndjekur nga Gjeneva (3), Bazeli (4) dhe Berna. (5). Cordova tha se kjo ishte falë fuqisë së frangës zvicerane, e cila deri kohët e fundit ka mbajtur të qëndrueshme ndaj një dollari amerikan në rritje, që është dhe monedha bazë në raportin e Mercer.

Tirana renditet në vendin e 161-të nga 227 vendet e listuara në raportin e Mercer vetëm dy vende pas Zagreb, Kroaci. Ankaraja, Turqi (e 227-ta) renditet si qyteti më i lirë për të punuar jashtë vendit, e ndjekur nga Bishkek, Kirgistan (226), Dushanbe, Taxhikistan (225), Islamabad, Pakistan (224) dhe Karaçi, Pakistan (223).

  NR                                                   QYTETI                                                                         SHTETI           

Qytetet më të shtrenjta për emigrantët:

• Hong Kong, Hong Kong (SAR)
• Zyrih, Zvicër
• Gjenevë, Zvicër
• Bazel, Zvicër
• Bernë, Zvicër
• Tel Aviv, Izrael
• New York City, Shtetet e Bashkuara
• Singapor, Singapor
• Tokio, Japoni
• Pekin, Kinë

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.