Qyteti italian që po shet shtëpi 1 euro për të joshur banorë të rinj
Ollai, një destinacion në ishullin mesdhetar të Sardenjës, po shet qindra shtëpi të braktisura për vetëm 1 euro. Nuk është qyteti i parë italian që planifikon këtë ‘strategji’, por duket se është i pari që po i përmbahet premtimit, shkruan CNN.
200 banesa të ndërtuara në gur janë në gjendje të keqe dhe blerësit duhet të angazhohen për rinovimin e tyre brenda tre vjetësh, të cilat ndoshta kushtojnë rreth 25 mijë dollarë.
Pas shitjes për një plan për rinovimin e një komuniteti në rrezik që mund të shndërrohet në një qytet fantazmë. Në gjysmën e shekullit të kaluar, popullsia e Ollalait shënoi rëni nga 2 250 në 1 300 .
“Ne mburremi me origjinën prehistorike. Sfida ime është të shpëtoj traditat tona unike nga rënia në harresë”, thotë Efisio Arbau, kryebashkiaku i Ollolai.
Ky qytet mbetet arka më e paprekur dhe autentike e Sardenjës. Labirintet e rrugëve dhe shesheve tashmë janë të heshtur, pasi banorët e rinj janë joshur drejt qyteteve më të mëdha.
Për ta bërë qytetin t’i ‘nënshtrohet’ procesit të rigjenerimit, kryebashkiaku kontaktoi ish-pronarët e shtëpive, barinjtë, fermerët dhe zejtarët, duke iu kërkuar atyre që të nënshkruanin mbi autoritetin e shtëpive të tyre.
Ai miratoi një dekret të veçantë dhe i vendosi pronat në treg me çmime të volitshme në vitin 2017. Pavarësisht nga kushtet e tyre të këqija, tre shtëpi tashmë janë shitur dhe Arbau thotë se ka marrë më shumë se 100 kërkesa për blerje nga e gjithë bota, duke përfshirë Rusinë dhe Australinë.
Kryetari shpreson se rinovimi i shtëpive do të ndihmojë në krijimin e vendeve të reja të punës dhe në ringjalljen e ekonomisë lokale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.