Qyteti më i madh i Zvicrës po mbyll gazin natyror përgjithmonë!

Zyrihu po mbyll rrjetin e tij të gazit natyror në pjesë të tëra të qytetit për të luftuar ndryshimet klimatike dhe për të kursyer para. Qyteti më i madh i Zvicrës filloi planin një dekadë më parë si pjesë e strategjisë së tij mjedisore. Banorët po inkurajohen të instalojnë alternativa ndaj ngrohjes me gaz natyror dhe, aty ku kjo tashmë është duke u nisur, kompania e shërbimeve publike në pronësi të qytetit të Zyrihut tani po mbyll rrjetet e furnizimit me gaz.

Burimet alternative të nxehtësisë kanë qenë tashmë të njohura në pjesë të qytetit për dekada. Kjo përfshin “ngrohjen në distancë” e cila përdor nxehtësinë e tepërt nga inceneratorët e mbeturinave në ujë të ngrohtë që më pas pompohet në shtëpi përmes tubacioneve. Rreth 10 vjet më parë, Zyrihu mori vendimin për të nisur mbylljen e rrjeteve të gazit natyror në këto zona për arsye ekonomike. Nuk kishte kuptim të ruheshin të dy rrjetet.

Por kur politika u shpall në vitin 2011, ajo ishte e diskutueshme pasi shumë besonin se nuk kishin kohë të mjaftueshme për të kaluar në burime të rinovueshme. Mbyllja aktuale do të përfundojë në vitin 2024 me më shumë zona të Zyrihut të vendosura për të parë fundin e gazit natyror nga tani deri në vitin 2040, ndërsa më shumë projekte për ngrohjen në distancë do të përfundojnë.

Mijëra demonstrues u mblodhën në kryeqytetin e Bernës në fillim të këtij muaji për të protestuar kundër luftës në Ukrainë. Ndër kërkesat e tyre ishte një thirrje për një reduktim të varësisë së Zvicrës nga karburantet fosile ruse. Rreth 47 % e gazit natyror të përdorur në vend importohet nga Rusia dhe konsumatorët tani duan që kjo të ndryshojë. Edhe pse plani i Zyrihut nuk ka ndryshuar domosdoshmërish pas pushtimit të Ukrainës, Energie 360॰ thotë se kohët e fundit ka vënë re këtë dëshirë në rritje nga klientët e gazit për të kaluar në opsione të tjera. AP

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.