Qyteti më misterioz në botë – Spitale dhe ndërtesa ku mungojnë kate dhe apartamente
Gjatë një dite të zakonshme në Hong Kong, një financier i një restoranti zgjedh të shkojë në tempullin më të ngarkuar të qytetit, “Wong Tai Sin”, për të përdorur një praktikë të leximit të fatit, të njohur si “Kau Cim”.
Praktika popullore përfshi tundjen e një tubi të mbushur me “shkopinj fati”, nga 1 deri në 100 copë, derisa njëri prej këtyre shkopinjve të bjerë në tokë. Çdo shkop ka një histori përkatëse që interpretohet nga fallxhorët e tempullit.
Njerëzit gjunjëzohen në një jastëk lutjeje përpara altarit kryesor të tempullit, mbyllin sytë dhe fillojnë të tundin tubin me shkopinjtë e fatit, ndërsa përqendrohen në pyetjen për të cilën dëshirojnë të marrin përgjigje.
Përshembull, në Hong Kong ekziston fenomeni i njohur si “tetrafobi”, që lidhet me frikën aktive për numrin 4. Po ashtu, numri 14 dhe 24 konsiderohen si edhe më pafat. Ndërtesat e apartamenteve, hotelet, zyrat, madje edhe spitalet në qytet shpesh shmangin katet dhe banesat që përmbajnë këto numra.
“Është një gjë supersticioz. Edhe në ndërtesën time, kati 40 dhe 49 nuk ekzistojnë. Përfundon me 39 dhe pastaj fillon përsëri në katin e 50. Nuk ka asnjë kat të katërt, të njëzetekatër, apo të pesëdhjetekatër” thot John Choi, i cili ka punuar si mjeshtër “Feng Shui” për më shumë se dhjetë vjet.
Feng shui, fjalë për fjalë “era dhe uji”, është praktika e lashtë kineze e përdorimit të forcave të energjisë për të harmonizuar individët me mjedisin e tyre përreth, për të sjellë fat dhe shëndet më të mirë. Një formë e gjeomancisë (praktika e rregullimit ose vendosjes së objekteve ose sendeve të tjera me fat), sot është e ndaluar në territorin e Kinës nga Partia Komuniste si një “besëtytni feudale”, pasi bie ndesh me besimin thelbësor të partisë.
“Kur u ndalua për herë të parë ‘feng shui’ në Kinë, shumë prej mjeshtërve të praktikës ikën dhe erdhën në Hong Kong. Disa prej tyre gjithashtu shkuan në Tajvan për të njëjtat arsye” u shpreh Choi.
Po ashtu, Choi thotë se natyra mjaft konkurruese e qytetit është ajo që i shtyn shumë njerëz të miratojnë besime të tilla, për të provuar dhe rritur fatin, apo mundësitë e tyre në jetë.
“Në një vend kaq konkurrues, si mund t’i tejkalosh të tjerët? – tha Choi – E vetmja gjë që mund të bëni është të përdorni feng shui për t’ju ndihmuar të rrisni fatin tuaj”.
Burimi origjinal: BBC
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.